Маммология

Маммология бөлімшесі сүт безінің барлық патологиясының диагностикасы мен емдеу жолында мамандандырылған көмек көрсетеді.

Бөлімше мамандары сүт безінің қатерлі және қатерсіз ісіктерінде хирургиялық және химиотерапиялық емдеу жүргізеді. Бөлімше 15 төсек орынды. Науқастар 2 және 4 орынды палаталарда жайғасады.

Бөлімшеде оталық емнің барлық түрі жасалады. Оның ішінде:

-Сүт безінің зақымданған немесе ісігі бар бөлігін алып тастау және аймақтық лимфа бездерін алу оталары. Әр-түрлі модификациямен сүт безін радикальды алып тастау және бір мезгілде эндопротездеу.

-Тері мен емізікшені сақтай отырып сүт безін радикальды алу, сүт безінің ісігі бар бөлігін радикальды алу және лимфа түйіндерін алу оталымен бір мезгілде сүт безін арқаның жалпақ бұлшық етімен немесе іштің тік бұлшық етімен қалпына келтіру(маммопластика) оталары.

-Сүт бездерін кішірейту (редукциялық маммопластика)

-Сүт бездерін көтеру отасы(мастопексия).

-Сүт безінің қатерлі ісігін алдын алу мақсатында қатерсіз ісіктерге ота жасау.
-Шынайы және жалған гинекомастияда, ерлердің көкірек безінің қатерлі ісігінде көкірек безін алып тастау отасы.
-УДЗ-дің бақылауымен белгі қою арқылы сүт дезінің ісігін алып тастау отасы.

-Инвазивті-диагностикалық тексеру әдістерін жүргізу: трепан-биопсия, ЖИАБ.